RCB vs PBKS 2025 Qualifier 1 Match Highlights
- Hazlewood ne wapisi ke baad jhatke 3 wickets
- Suyash Sharma bhi chamke, liye 3 wickets
- PBKS ki innings 101 all out, IPL 2025 ka apna lowest score
- Phil Salt ki 23 balls par fifty, qualifier me kheli 27 balls par 56 runs ki not out innings
Punjab Kings ki innings 101 par all out
RCB vs PBKS 2025 Indian Premier League Qualifier 1 jo ki New Chandigarh mein May 29, 2025 ko khela gaya usme RCB ne toss jeetkar Punjab Kings ko batting karne ke liye bola. Is IPL me PBKS ke hero openers rahe Priyansh Arya or Prabhsimran Singh jyada na chal sake.
Yash Dayal ne apne pehle hi over me wicket lekar Priyansh ki inning ko Krunal Pandya ke hathon catch karwa kar khatam kiya. Wahi dusri taraf Bhuvneshwar Kumar ne swing ka behtreen pradarsahn karte hue apne dusre over ki akhiri ball par Prabhsimran ko 18 runs ke score par out kiya.
Josh Hazlewood ka Toofan
2 wicket girne ke baad aaye Captain Shreyas Iyer ko Josh Hazlewood ne apne pehle hi over me Jitesh Sharma ko catch karwa 2 runs par out kiya.
Apne agle over me hi Hazlewood ne Inglis ko OUT kiya, catch seedha Bhuvneshwar ke hath.
Hazlewood ki is shandaar bowling ko RCB ke team ke sath sath RCB ke fans bhi miss kar rahe te. Khair der aaye durust aaye.Apne akhiri over ki pehli ball par Hazlewood ne Azmatuallah Omarzai ko out karte hi PBKS ki innings ko 101 par all out karwaya.
Suyash Sharma ki spin me PBKS fansa
Match ke hero rahein aur Man of the Match Suyash Sharma ne as a impact player aaj apni leg spin ka shandaar performance dikhate hue RCB ki taraf se 3 wickets liye. Iske Sath hi IPL final me jagah banwane me kamyaabi haasil kari. Apne ek hi over me 2 wicket lekar match ka rukh badal diya. Sabse pehle Shashank Singh ko apni googly ke jaal me fansaya or middle stump ko udaya. Is waqt punjab ka score 60/6 tha.
Theek 3 balls ke baad hi Musheer Khan ko LBW kar apna 2 wicket liya or PBKS ki innings yahi par almost khatam hi ho gayi. Phir apne 3rd over me PBKS ki aakhiri hope Marcus Stoinis ko apne spin me uljha kar out kiya. Match me 3 wickets lekar Man of the Match bhi mila.
“Humne hamare coach ke according jo plans te unko execute kiya. Aaj bohot khush mehsus kar raha hoon. Aisa laga ki googly padne me aaj batters ne galti kari. Aise the ki ye semi final jaisa hai but humne isko ek normal game ki tarah hi khela. Humne jo pichla match yahan khela tha usse bhi humko kaafi help hui ye match jeetne mein” – Suyash sharma (Statement post match presentation)
RCB vs PBKS 2025 Qualifier 1 ; 102 runs ka easy target
Qualifier 1 mein 102 runs ke target ka peecha krte hue apni final me jagah ko pakka kara. Opening partnership jyada nahi chal paayi Virat Kohli 12 runs bana kar out ho gaye. Lekin Phil Salt ne jordar performance dete hue 23 balls par apni fifty puri kari or sath hi last tak match ko le gaye or target poora karne tak not out rahein.
RCB 9 years ke baad IPL ke final mein
Royal Challengers Bengaluru ka is saal ka IPL ka safar kaafi accha raha. League matches me top 2 par rehne ke baad ab PBKS ko qualifier me 8 wicket se haraya. RCB ne IPL ke final me pahuchne ke liye 9 years ka sapna aaj pura kiya. Kya pata is bar IPL ki trophy bhi RCB hi jeete.
Virat Kohli ki captaincy na sahi lekin team ki jeet bhi unka 18 saal purana sookha khatam kar sakti hain. RCB IPL final 2025 me pahuchne ke sath hi 4 bar title ke liye ladegi. Dekhte hai 3 June IPL final me kya hota hai. Iske sath hi IPL official ne apne twitter/X par RCB ke liye post dala.
