Sanjog Gupta ko new CEO banaya ICC ne!
ICC ne Sanjog Gupta ko apna naya Chief Executive Officer (CEO) announce kiya hai. Sanjog Gupta ka Industry mein 20+ years ka experience hai jo mainly global media, entertainment aur sports ecosystem mein hain. Sanjog Gupta 7 July 2025 se officially ICC ke CEO position ko join karenge, aur yeh position lene wale ICC history ke 7th person ban jaayenge.
Abhi Sanjog Gupta JioStar ke CEO – Sports & Live Experiences ke role mein kaam kar rahe te. Unka naam India ke modern sports broadcasting revolution ke key architects mein aata hai. Unki leadership ne IPL, ICC tournaments, PKL, ISL, aur Premier League jaise major sports events ko naye heights par pahunchaya hai.
ICC Chairman Jay Shah ne diya statement:
“Mujhe announce karte hue khushi ho rahi hai ki Sanjog Gupta ko ICC ka naya CEO banaya gaya hai. Unki sports strategy, commercialisation aur fan engagement mein kaafi bada experience hai jo hamein Cricket ko Global level par naye daur mein le jaane mein help karega.”
Jay Shah ne ye bhi bola ki ICC cricket ko Olympic sport banane aur naye markets mein grow karne ke vision par kaam kar rahi hai.
Sanjog Gupta ka Selection Process:
– March 2025 mein global recruitment process shuru hua tha.
– 2,500+ applications 25 countries se aayi thi.
– 12 candidates shortlist hue.
– Nominations Committee – jisme ICC Deputy Chair Imran Khwaja, ECB Chair Richard Thompson, SLC President Shammi Silva, aur BCCI ke Devajit Saikia shamil the – ne rigorous interviews ke baad Sanjog Gupta ko unanimously recommend kiya.
Lekin Final approval ICC chairmen Jay Shah aur ICC Board ne diya.
Sanjog Gupta ne apna career ek journalist ke roop mein shuru kiya tha. 2010 mein Star India join kiya, jahan unhone sports content ko multi-language aur digital-first strategy ke saath transform kiya. 2024 mein Disney Star aur Viacom18 ke merger ke baad, unko JioStar Sports ka CEO banaya gaya.
Unka kaam sirf business growth tak limited nahi raha – unhone fan engagement, content excellence aur global market expansion mein bhi kaafi impact dala hai.
Kaun hai Sanjog Gupta- ICC, CEO ?
Sanjog Gupta ne India aur global level par sports broadcasting ka poora landscape hi transform kar diya hai. Woh ek key figure rahe hain jo ICC events aur IPL jaise major Cricket leagues ko naye level tak le jaane mein instrumental rahe hain.
Unhone sirf international cricket nahi, domestic sports leagues jaise Pro Kabaddi League (PKL) aur Indian Super League (ISL) ko bhi establish karne mein major role play kiya hai.
Saath hi, Premier League aur Wimbledon jaise global sporting events ki popularity badhane mein bhi unka kaafi bada yogdaan raha hai. Unki leadership ne sports business ko consumer engagement aur commercial growth — dono fronts par scale kiya hai.
ICC CEO banne ke baad Sanjog Gupta ka reaction:
“Ye mere liye ek privilege hai. Aaj cricket ek exciting phase mein hai jahan cricket fan base 2 billion se zyada hai, aur naye commercial aur technical opportunities rapidly grow ho rahe hain. Olympics 2028 mein cricket ka inclusion aur technology adoption is sport ko next level par le ja sakta hai.”
Sanjog Gupta ka ICC CEO hona Matter kyon karta hai?
Sanjog Gupta ka ICC CEO banna cricket ke liye ek bold aur visionary step hai. Woh ek aise leader hain jo innovation, fan-focus aur business strategy, Cricket ke 3 important pillars ko saath le kar chalna jaante hain. Unke under, ICC cricket ko naye fans tak pahunchane, women cricket ko grow karne, aur Olympic presence ke sapne ko reality banane ki koshish karega.
