27 saal ke baad South Africa ka ICC trophy jeetne ka sapna hua poora. Australia ko WTC final 2025 me 5 wicket se hara kar bane winner!

WTC Final 2025 Highlights

• Aiden Markram ki jabardast century , thoke 136 runs
• Kagiso Rabada ne match me jhatke 9 wickets
• Pat Cummins ne first innings me liye 6 wickets
• Temba Bavuma ka jhujharu innings , dono innnings me team ko sambhala
• Marco Jensen aur Lungi Ngidi ne bhi kiya shandaar performance
• Starc ka all round performance bhi nahi bacha paya Australia ki haar, 2nd innings me bachaya, thoki half century 58

South Africa ki first ICC trophy 27 saal baad

South Africa , ek aisi team jisko har jagah troll kiya jata raha tha ki wo kabhi bhi koi bade tournament nahi jeet sakte. Specially ICC tournament jisme sabse jyada teams participate karti hain. South Africa ne ye wala trend todte hue aaj Australia ko WTC Final 2025 me hara kar ye title apne naam kiya aur Test ki champion tem ban gayi. World Test Championship 2025 ke is Final match me Australia ko 5 wicket se haraya aur winner bane.

Aiden Markram ki shandaar century, Player of the Match

Aiden Markram aaj south africa ke aise player ban gaye jo future me aane wali team ke hero honge. Pehli innings me duck par out hone ke baad logo ne kaafi criticize kiya. Lekin markram ne dikha diya ki jab jeetne ka jazba ho to zindagi aapko dusra mauka jarur deti hai.

Australia ki dusri inning me aakhiti jodi Josh Hazlewood aur Mitchel Starc ne kaafi tough fight di thi. Lekin captain Bavuma ne Markram par vishwas jatate hue unko bowling ka mauka diya or Hazlewood ko out kar australia ki inning ko wahi roka.

Iske baad jab South Africa ki batting aayi tab WTC Final 2025 ke second innings me century thok kar Markram ne apne dum par South Africa ko Test Match ka champion bana diya. Lord’s par khele ja rahein is match mein 4th inning me century marne wale pehle khiladi bane.

Aiden Markram 1/5, 1/5 & 136

Kagiso Rabada ki jordar bowling liye 9 wickets

Cricket ka game ek team work hi hai tabhi aap koi match jeet sakte ho. Final me to aapko team work dikahan hi hota hai uske bina nahi jeet sakte. Markram ke sath sath sabse jyada jisne performance di wo hai Kagiso Rabada. First innings me rabada ne badiya performance dete hue 5 wicket liye, jisse Australia 212 par hi all out ho gayi.

2nd Innings me Australia ko 78 runs ki lead thi jo match me Africa ko kaafi piche le gayi. Kagiso Rabada ki bowling ne is lead ko jyada nahi hone diya aur 4 wicket lekar 207 tak hi inning ko khatam kar diya.

Temba Bavuma ne dono innings me kheli team ke liye Innings

Temba Bavuma ne dono innings me team ke liye score karte hue team ko pachuya achi conditions mein. First innings me jahan South Africa ki addhi team 50 runs se kam score par atak gay thi wahi Bavuma ne David Bedingham ke sath milkar team ko 138 tak ka score karne me help kari.

Australia se Pat Cummins , Steve Smith, Mitchel Starc aur Beau Webster chamke

Australia ne WTC Final 2025 mein South Africa ke against first innings tak apni position kaafi strong kar li thi. Pehli inninge me Steven Smith aur Beau Webster ki Shandaar half centuries ki wajh se 212 tak score karne me Australia succesful rahi. Pat Cummins me South Africa ke 6 wickets liye, wahi 2nd innings me Mitchel Starc ki half century ne score ko 207 tak le gaye jisse 282 ka target set karne me help mili. Wo alag baat hai ki ye target defend nahi kar paaye.

WTC Final 2025 me South Africa winner bana hai. 2025-2027 ki new cycle ki shuruat India vs England ki series se 20 June 2025 se hogi. India test squad england series 2025 me Gill ko naya captain banaya hai. Filhaal South Africa is lamhe ko enjoy karein aur aage bhi ICC trophies me accha performance de aur janta ka entertainment ho.