Virat Kohli ka 18 saal baad sapna hua pura, RCB ne PBKS ko IPL 2025 Final me 6 runs se haraya

Royal Challengers Bengaluru (RCB)190 for 9 (Virat Kohli 43(35), Jitesh Sharma 24(10)) beat Punjab Kings (PBKS) 184/7 (Shashank Singh 61(30), Krunal Pandya 2-14, Bhuvneshwar 2-25) by 6 runs

RCB vs PBKS IPL Final 2025 Match Highlights

• Virat Kohli ki 43 Runs ki stable innings
• Jitesh Sharma 24(10), Rajat Patidar 26(16), Liam Livingstone 25(15)
• Shashank Singh 61(30) ki innings nahi aayi kaam
• Krunal Pandya (2-17) , Bhuneshwar (2-38) ki gazab bowling
• Shreyas Iyer rahe fail, banaye 1 run

RCB First IPL Trophy, ee sala cup namdu

RCB ke liye aakhir wo time aa hi gaya jiske liye usne 18 saal tak intezaar kiya or 18ve saal me wo sapne pura hua. IPL 2025 Final me PBKS ko 6 runs se haraya. Isse pehle 3 bar final match khelne wali RCB kabhi nahi jeet saki thi. Lekin is bar RCB ne apne sabhi critics aur trollers ko jawab dete hue, apne sabhi fans ki jholi me IPL ki trophy daal hi di.

RCB ne set kiya 190 ka target

Punjab ne toss jeeta aur RCB ko pehle batting ka mauka diya. Bengaluru ki taraf se Phil Salt aur Virat Kohli ne opening karte hue 18 runs ki partnership kari or Salt ko Jamieson ne out kiya. Iske baad Mayank Agarwal, Rajat Patidar ne Virat Kohli ka sath dete hue score ko 96 take le gaye. Iske baad Virat ek taraf paari ko sambhalte hue score ko 131 tak pahuchaya or apna wicket kho diya.  Azmatullah Omarzai ne Kohli 43 runs ke score par ko caught and bowled kiya.

Phir aaye Liam Livingstone aur Jitesh Sharma, jinhone aate hi RCB ki innings ko 190 ka target set karne me help ki.
Livingstone ne 15 balls khelte hue 2 sixes lagaye or 25 runs score kiye. Jitesh ne 10 balls khelte 24 runs ki zordaar innings kheli, jisme unhone 2 sixes aur 2 fours lagaye.

Krunal Pandya bane Man of the Match

Krunal Pandya ka IPL ka ye season kaafi accha raha. Aur IPL 2025 Final me unhone ye prove bhi kar diya ki wo kyon itne khaas hain. Jab Punjab ki team ek strong position me thi tab unhone aakar match ka rukh palta aur apne 4 overs me sirf 17 runs dekar 2 wickets bhi liye. Ye Krunal Pandya ka IPL Final me dusri bar man of the match ka award hai. Post match ceremony me kya bole krunal niche padiye:

Jab hum batting kar rahe the, tab humein samajh aaya ki jitna slow daalogey, utna hi behtar hai. Is format mein aise daalne ke liye himmat chahiye hoti hai. Maine khud par bharosa kiya, socha apni pace ko vary karunga aur zyada tar slow balls hi daalunga. Meri sabse badi strength yeh rahi hai ki main situation ko samajh ke khelta hoon. Mujhe pata tha ki aaj wickets lene ke liye brave banna padega.

Socha slow daal kar hi wickets milenge. Agar fast daalte to pitch acchi thi, par agar mix karte ho to batsman ke liye tough ho jata hai. Second innings mein pitch actually easy ho gayi thi. RCB ke saath ab tak kaafi maza aaya hai, maine day one pe hi bola tha ki mujhe jeetna hai. Maine Hardik ko bhi bola tha ki Pandya household ke paas 11 saal mein 9 trophies hongi.

– Krunal Pandya (POTM)

PBKS ne score kiye 184 runs, 6 runs se haare

Punjab ki team jo last match Mumbai Indians ke against history create karke jeeti thi. Jisme unhone 200+ ka score easily achieve kar liya tha lekin is bar 190 ka target sirf 6 runs se dur reh gaya. Shreyas Iyer PBKS ke captain jo pichle match ke hero te is IPL 2025 Final me fail rahe. Punjab ki taraf se Priyansh Arya 24(19), Prabhsimran Singh(26) aur Josh Inglis 39(23) ne kaafi acchi shuruat di thi. Ek time to aise tha ki Punjab match me jeetne ki taraf tezi se badh rahi thi.

Krunal Pandya ne PBKS ke IPL 2025 Final jeetne ke sapne ko tod diya. Prabhsimran aur Josh Inglis ko out kar match ka rukh RCB ki taraf kar diya. Punjab ki aur se sabse jyada run Shashank Singh ne banaye. Unhone 61 runs sirf 30 balls khel kar banaye jisme 6 six or 3 chauke shamil rahe.

Lekin unka sath koi nahi de paya or 6 runs se ye match RCB vs PBKS IPL Final 2025 me RCB ne history create kari or 18 saal baad Rajat Patidar ki captaincy me RCB apni First IPL trophy uthane me kamyab rahi.

Virat Kohli Khushi Se Roye

Match jab apne aakhiri padaav par tha tab RCB ki jeet pakki thi tab Virat Kohli khushi se roye kaafi der tak. Niche dekhein Video jo X par share kiya gaya:

The moment Virat Kohli started crying#IPLFinals #IPLFinal #IPL #RCBvPBKS #RCBvsPBKS #PBKSvRCB #PBKSvsRCB #iplfinal2025
pic.twitter.com/8QDoDIaeCS

— Crictips (@CrictipsIndia) June 3, 2025

Shreyas Iyer ne kari young players ki tareef, Bole next IPL 2026 jeetenge!

Disappointment zarur hai, lekin jis tarah humari team ne is season perform kiya… uska credit management aur har ek player ko jaata hai. Pichle match ko dekhte hue jo hum yahan khele the, mujhe personally laga tha ki 200 par score hai. Unhone bohot achhi bowling ki. Krunal ne kamaal kiya, apne experience ka pura use kiya, wahi turning point tha match ka.

Apni team ke har ek player par proud feel karta hoon, kaafi youngsters ne apna pehla season khela tha. Unki fearlessness dekhne layak thi. Abhi kaam aadha hua hai, agle saal IPL 2026 trophy jeetni hai. Har match mein jis tarah hum utare, woh ek positive sign tha. Sabne achha experience gain kiya hai aur agle saal usi pe build kar sakte hain.

RCB Captain Rajat Patidar ne Bola

Yeh mere liye, Virat Kohli aur saare RCB fans ke liye bahut special hai. Jo log saalon se support kar rahe the, yeh un sabke liye deserved tha. Qualifier ke baad humein laga tha ki hum aage jaa sakte hain. Mera manna hai ki is pitch par 190 ek acha score tha kyunki pitch slow thi.

Bowlers ne jo planning ki thi uska execution dekhna zabardast tha. Krunal ek wicket-taking bowler hai, jab bhi mujhe wicket chahiye hoti hai main uski taraf dekhta hoon. Suyash aur pacers poore season acche rahe. Shepherd ne aaj ek key wicket liya. Mere liye yeh ek great opportunity thi aur Virat Kohli ki captaincy karna ek badi learning bhi. Woh isse sabse zyada deserve karte hai. Main bas ek line kehna chahta hoon sabhi fans ke liye – Ee Sala Cup Namdu!